arddangosfeydd.

Os ydych chi'n gwmni sydd newydd gychwyn neu os ydych chi'n arweinydd yn eich maes, mae sioeau masnach yn ffordd wych o greu ymwybyddiaeth o frand, ysgogi mwy o ddiddordeb yn eich busnes a chynyddu nifer eich cleientiaid.

Mewn sioeau masnach, mae yna lwyth o ddewis, felly mae'n bwysig eich bod yn sefyll allan gan sicrhau bydd pobl yn cofio amdanoch.

01
Gadewch bopeth i ni.

Rydyn ni'n gwybod y bydd angen i chi dreulio'r diwrnod yn rhwydweithio ac yn cwrdd â chwsmeriaid newydd posibl, felly fe gymerwn ni'r awenau. Tra eich bod chi'n brysur yn sgwrsio, byddwn ni'n gofalu am y pethau bychain felly does dim rhaid i chi ddelio ag unrhyw faich gwaith diangen.

02
Dylunio.

Bydd ein tîm mewnol yn rheoli prosiectau ac yn creu dyluniadau stondin pwrpasol/modiwlaidd i greu argraff. Gyda'n gwaith graffeg a chynnwys, rydyn ni'n rhagori ar ddisgwyliadau'n cleientiaid yn aml ac yn gwarantu y byddwch chi’n creu argraff heb ei hail.

03
Adeiladu.

Mae gan ein tîm gyhyrau, sy'n golygu bod modd codi a datgysylltu eich stondin yn gwbl ddi-drafferth. Mae fan ganddyn nhw hefyd sy'n golygu nad oes angen i chi boeni am gludiant. Rydyn ni hefyd yn cynnig gwaith rheoli prosiectau arddangos rhyngwladol. Fe awn ni'r filltir ychwanegol ar eich rhan.

04
Rheoli.

Rydyn ni wrth ein boddau yn trefnu ac yn rheoli popeth posib. Logisteg digwyddiadau, logisteg mewnol a chludiant, cymorth clyweledol a hyd yn oed llogi props, codi stondinau. Rydyn ni wrth ein bodd yn rheoli pethau, felly gallwch fod yn dawel eich meddwl y bydd trefn ar bob dim.

Os ydych am arddangos eich busnes mewn digwyddiad, ond nad ydych yn gallu bod yno eich hun, dydy hynny ddim yn broblem – rydyn ni'n fwy na pharod i ddarparu tîm i'ch cynrychioli chi a sicrhau cysylltiadau newydd i chi.

Angen rhywle i storio eich stondin ar ôl y digwyddiad? Nid pawb sydd â lle i’w stondin, a dyna paham y mae ein warws ni yng nghanol y ddinas yn gartref perffaith i storio eich stondin nes bydd ei hangen eto. Gallwn ni ofalu amdani ar eich rhan, dim problem.