Gosod y naws

Effeithiolrwydd yw ein nod, a dyna pam rydym yn dechrau pob sgwrs gyda chleient yn holi am yr hyn maent eisiau ei gyflawni gyda’u hymgyrch, prosiect neu gynnwys. Pan fyddwn ni’n gwybod beth rydyn ni eisiau i’r canlyniadau fod, rydyn ni’n gweithio ar greu stori. Mae adrodd straeon wrth galon ein holl gynnwys, os yw hynny’n hysbyseb genedlaethol ar y teledu, yn neges wedi’i hanimeiddio ar TikTok, neu’n brofiad realiti rhithwir. Rydym yn gweithio gyda chi i greu cynnwys sy’n sbarduno ac sy’n creu canlyniadau.

Adrodd straeon mewn ffordd glyfar

Gan ddefnyddio ein profiad helaeth a’n gwybodaeth, rydym yn canolbwyntio ar gynhyrchu cynllun adrodd straeon. Rydym yn edrych ar ba gyfrwng fydd yn gweithio orau, beth yw anghenion a dymuniadau’r gynulleidfa, siwrnai’r defnyddiwr a’r cwsmer, manylebau platfform a’r arfer gorau diweddaraf. Rydym yn defnyddio methodoleg COPE (creu unwaith cyhoeddi ym mhobman), lle caiff cynnwys ei optimeiddio i weddu i bob platfform.

Cynhyrchu trawiadol

Rydym yn deall y gelfyddyd, y grefft a’r wyddoniaeth sydd tu ôl i’r hyn sy’n creu cynnwys gwych, boed yn deledu a radio, fideo hyrwyddo, cynnwys digidol a chymdeithasol neu animeiddio, CGI a phrofiadau cyfranogol. Rydym yn cynnig gwasanaeth cynhyrchu cyflawn, o ganfod lleoliad, cynhyrchu a chyfarwyddo, i ffilmio, golygu ac ôl-gynhyrchu, yn ogystal â datrysiadau marchnata cynnwys ar gyfer prif sianeli cyfryngau cymdeithasol a gwefannau.

Canlyniadau effeithiol

Mae ein hymrwymiad i ansawdd ac effeithiolrwydd yn golygu mai ni yw’r dewis cyntaf i lawer o gyfryngau mwyaf y diwydiant, gan gynnwys y BBC, Channel 4, S4C a Sky. Rydym yn mesur ein llwyddiant ar gyfer pob ymgyrch i sicrhau ein bod yn gwbl flaengar yn y diwydiant cynnwys.