Rydyn ni’n gyffrous i groesawu dwy fenyw blaenllaw a llwyddiannus o Gymru i’n bwrdd wrth i ni anelu at dwf dau ddigid dros y 5 mlynedd nesaf sef Kate Methuen-Ley, ac Alys Carlton. Mae Kate, entrepreneur sefydledig ac anllywodraethol, yn ymuno fel Cadeirydd Annibynnol, ac mae Alys, cyn-gyfreithiwr corfforaethol ac yn awr hyfforddwr gweithredol, yn ymuno fel Cyfarwyddwr Anweithredol Annibynnol.
Ar ôl gyrfa farchnata lwyddiannus o 15 mlynedd ar gyfer brandiau cenedlaethol a rhyngwladol adnabyddus ar draws amryw o sectorau, sefydlodd Kate Methuen-Ley y bartneriaeth menter ar y cyd ar gyfer manwerthwr stryd fawr Denmarc, Flying Tiger Copenhagen, yng Nghymru a Bryste, gan lansio 8 siop gyda throsiant o +£5 miliwn yn 2013. Ers gadael, mae Kate wedi cael gyrfa bortffolio, gan gynnwys fel Cyfarwyddwr Anweithredol Banc Datblygu Cymru ac fel ymgynghorydd a chynghorydd busnes i fusnesau cychwynnol a busnesau mewn cyfnodau o dwf yng Nghymru a thu hwnt.
Dechreuodd Alys Carlton, sy’n siarad Cymraeg a Saesneg yn rhugl, ei gyrfa gyfreithiol gorfforaethol 18 mlynedd yn Llundain mewn cwmni cylch hudol nodedig cyn dychwelyd i Gymru. Yn ogystal â rhedeg ei busnes hyfforddi arweinyddiaeth uwch byd-eang llwyddiannus ei hun, penodwyd Alys yn Gadeirydd Cymdeithas Bêl-droed Cymru yn 2023; roedd hi’n flaenorol yn Is-gadeirydd Panel Arbenigol Llywodraeth Cymru ar Gefnogi Merched Entrepreneuriaid ac wedi treulio 7 mlynedd fel Cyfarwyddwr Anweithredol yr Elusen Aloud.
“Wrth i ni ddechrau’r bennod newydd hon i Orchard, roedden ni am greu bwrdd amrywiol a chadarn a fyddai’n amddiffyn ein cynlluniau twf yn y dyfodol. Roedden ni am ddenu unigolion egnïol oedd â phrofiad personol o’r hyn sydd ei angen i yrru twf yn ogystal â’r gwrthrychedd i’n dal i gyfrif. Allwn ni ddim bod yn fwy bodlon o fod wedi sicrhau Kate ac Alys.”
“Rydyn ni wrth ein bodd i groesawu Kate ac Alys i’r bwrdd ar yr adeg bwysig hon yn natblygiad Orchard gyda’n trawsnewidiad i Ymddiriedolaeth Perchnogaeth Gweithwyr. Bydd eu nawdd a’u cyngor yn ychwanegu gwerth enfawr i’n datblygiad strategol ac wrth gyflawni ein gweledigaeth ar gyfer Orchard fel lle i ffynnu.”
“Mae’n anrhydedd cael fy newis fel Cadeirydd y bwrdd ar gyfer Orchard. Fy ysgogiad i wneud cais am y rôl oedd dau beth. Yn gyntaf, oherwydd fy angerdd dros feithrin ysbryd entrepreneuriaid a thwf busnes. Yn ail, oherwydd y cyfle i weithio gyda sefydliad sydd wedi ymrwymo i wneud effaith ystyrlon yng Nghymru a’r DU. Rwy’n edrych ymlaen yn fawr at weithio gyda fy nghyd-aelodau bwrdd a bod yn rhan o un o’r asiantaethau integredig gorau yn y DU.”
“Rwy’n hynod falch o gael fy mhenodi’n Gyfarwyddwr Anweithredol y Bwrdd yn Orchard. Rwy’n gobeithio defnyddio fy mhrofiad i sicrhau y gall Orchard gyflawni ei nodau o dwf cynaliadwy ac arweinyddiaeth ddiwydiannol.”